Ғанизода Ибодат Ғанӣ
Директор
Тел: +992 55 405 1550
E-mail:
Донишкадаи такмили ихтисос ва бозомӯзии хизматчиёни давлатӣ аз 29 феврали соли 2020, №1463 сохтори алоҳида ва мустақили Академияи идоракунии давлатии назди Президенти Ҷумҳурии Тоҷикистон мебошад.
Донишкада дар асоси дастуру супоришҳои бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон, Агентии хизмати давлатии назди Президенти Ҷумҳурии Тоҷикистон ва Нақша-ҷадвали курсҳои азнавтайёркунӣ, такмили ихтисос ва таҷрибаомўзии хизматчиёни давлатӣ дар Академияи идоракунии давлатии назди Президенти Ҷумҳурии Тоҷикистон, ки бо Роҳбари Дастгоҳи иҷроияи Президенти Ҷумҳурии Тоҷикистон мувофиқа мегардад, фаъолият намуда, ҷиҳати тайёр кардани кадрҳои баландихтисоси миллии соҳаи хизмати давлатӣ, тарбияи кадрҳои нав барои ин самти бисёр муҳимми давлатдорӣ ва дар амал татбиқ намудани «Консепсияи сиёсати давлатии кадрҳои Ҷумҳурии Тоҷикистон» ва Қарори Ҳукумати Ҷумҳурии Тоҷикистон дар бораи «Қоидаҳои таҳия ва татбиқи супориши давлатӣ барои тайёркунии касбӣ, бозомўзӣ ва такмили ихтисоси хизматчиёни давлатии Ҷумҳурии Тоҷикистон дар Донишкадаи такмили ихтисоси хизматчиёни давлатӣ” ва дигар санадҳои меъёрии ҳуқуқии дахлдор дамусоидат менамояд.
Дар Донишкада курсҳои азнавтайёркунӣ, такмили ихтисос ва курсҳои сайёри хизматчиёни давлатӣ бо мақсади фарогирии донишҳои муосири назариявӣ ва амалӣ дар соҳаи фаъолияти касбии хизматчии давлатӣ тибқи талаботи тахассусӣ барои иҷрои босифат ва саривақтии вазифаҳои мансабӣ роҳандозӣ гардида, машғулиятҳо аз рӯйи барномаҳои “Асосҳои ҳуқуқии хизмати давлатии Ҷумҳурии Тоҷикистон”, “Сиёсати хориҷии Ҷумҳурии Тоҷикистон”, “Ташаккули ҳукумати электронӣ дар Ҷумҳурии Тоҷикистон: вазъ ва дурнамо”, “Идеологияи миллӣ дар Ҷумҳурии Тоҷикистон”, “Идоракунии ҳайат дар замони муосир”, Идоракунии давлатӣ дар замони муосир”, “Коргузорӣ ва ҳуҷҷатнигорӣ дар мақомоти давлатӣ”, “Роҳҳои таъмини амнияти озуқаворӣ дар мамлакат”, “Худидоракунии маҳаллӣ дар шароити муосир”, “Ҷанбаҳои гендерии таъмини ҳуқуқи инсон дар хизмати давлатии Ҷумҳурии Тоҷикистон”, Сиёсати давлатӣ дар самти мубориза бар зидди коррупсия дар Ҷумҳурии Тоҷикистон”, “Сиёсати аграрии Ҷумҳурии Тоҷикистон”, “Сиёсати давлатии ҷавонон дар Ҷумҳурии Тоҷикистон”, “Сиёсати давлатӣ оид ба саноатикунонии босуръати Ҷумҳурии Тоҷикистон” ва ғайра гузаронида мешаванд.