Абилзода Гуландом Сардор

Мудири кафедра

Тел: +992939996013

E-mail: abilova.78@mail.ru

Кафедраи психология ва сотсиологияи идоракунии  Академияи идоракунии давлатии назди Президенти Ҷумҳурии Тоҷикистон 2019  дар асоси сохтори  нави Академия таъсис дода шуд.  Кафедраи мазкур яке аз марказҳои  муҳими илмию таълимӣ дар сохтори  Академия буда, кулли фаъолияти он тибқи бунёди илми психология ва сотсиологияи идоракунӣ  сурат мегирад ва ҳалли мушкилоти зиёдеро ба зимма дорад.

Фаъолияти асосии кафедра тарбияи кадрҳои баландихтисоси соҳаи идоракунии давлатӣ ва муносибатҳои байналмилалӣ, гузаронидани таҳқиқоти илмӣ рўи мавзўи бунёдии «Масъалаҳои иҷтимоӣ–психологии идоракунии давлатӣ ва хизмати давлатӣ дар шароити тағйирёбандаи Тоҷикистон» мақолаю дастурҳо ва барномаҳои таълимӣ таҳия ва таълиф мегардад. Вобаста ба равияи кафедра ва масъалаҳои муҳими дархўрди ҷомеаи демократӣ мизи мудаввар ва семинару конфронсҳои илмӣ сурат мегирад. Кафедра на фақат бо фаъолияти илмӣ инчунин бо таълимӣ низ машѓул мебошанд.

Ҳоло кафедраи психология ва сотсиологияи идоракунӣ нақшаҳои зиёд дорад ва дар ин самт фаъолияти густурда анҷом медиҳад. 

            Фаъолияти ҳайати устодони кафедра оид ба дониш, маҳорат ва малакаҳои касбӣ дар доираи фаъолияти муносибатҳои байналмилалӣ ва идоракунии давлатӣ  амалӣ мегардад.

Ҳадафи кафедра таҳияи технологияҳои махсуси таълим, сохтори муайяни таъминоти методии  тамоми раванди таълим буда, барои тайёр кардани мутахассисоне ҷаҳд мекунад, ки бо донишу малакаҳои зарурии соҳаи идоракунии давлатӣ ва хизмати давлатӣ мусаллаҳ буда, технологияҳои муосири идоракуниро хуб донанд.  Инчунин  дорои сатҳи баланди фарҳангӣ, малакаи коркард ва қабули қарорҳое, ки фаъолияти самараноки мақомотро таъмин месозад, мусоидат намудан ба рушди кадрии Ҷумҳурии Тоҷикистон, таъмини раванди таълим бо барномаҳои касбӣ мансуб дониста мешавад. 

Вазифаҳои асосии кафедра:

• Дар донишҷўён ташаккул додани маҳоратҳои касбӣ профессионализм, масъулятнокӣ, ҷаҳонбинӣ, ҳуввияти миллӣ, ташаккули фарҳанги муосир ва омода намудани мутахассисони касбии соҳаи идоракунии давлатӣ ва хизмати давлатӣ дар ҳама зинаҳои идоракунӣ.
• Коркарди барномаҳои таълимии мувофиқ ба самтҳои идоракунии давлатӣ, таъмини усулҳои инноватсионӣ, сифати баланд дар ҷараёни таълим бо назардошти дастовардҳои муосири илмӣ ва амалӣ.
• Таҳлили мониторинги системаи идоракунии давлатӣ ва хизмати давлатӣ барои ошкор намудани проблемаҳои соҳаи идоракунии давлатӣ дар ҷумҳурӣ ва ташаккули дурнамои таҳқиқоти илмӣ-амалии он.
• Фаъолияти таълимӣ, илмӣ – методӣ ва илмӣ бо мақсади тайёркунии касбӣ, азнавтайёркунӣ ва такмили ихтисоси хизматчиёни давлатӣ бо истифода аз дастовардҳои илми муосир ва амалияи пешқадам мебошад.

Фанҳои таълимии кафедра:

• Психологияи идоракунӣ
• Психологияи иҷтимоӣ
• Педагогика ва психологияи мактаби олӣ
• Этнопсихология
• Сотсиологияи идоракунӣ
• Сотсиология
• Этикаи маъмурӣ
• Этика ва эстетика.

Кафедра вазифаи худро аз он иборат медонад, ки мутахассисони ҷавон ва хизматчии давлатиро то ба дараҷаи инсони бомаърифати қодир ба ҷаҳонфаҳмию ҷаҳондарккунии мустақилона дар шароити ҷаҳонишавии  замони муосир бирасонад.  Аз ҳамин нигоҳ, кафедра барои мунтаззам васеъ гардонидани доираи ҷаҳонбинии хизматчиёни давлатӣ, рушд додани тафаккури мантиқӣ – назариявӣ ва баланд бардоштани сатҳи зеҳнии онҳо мекўшад.

Дар курсҳои бозомўзӣ ва такмили ихтисос дар доираи касби худ устодони кафедра оид ба психологияи сарварӣ, стресс дар фаъолияти хизматчиёни давлатӣ, психологияи муошират,  психологияи идоракунӣ ва сотсиологияи идоракунӣ, таърихи идоракунии давлатӣ, таърихи дипломатияи тоҷик, робитаи мақомоти давлатӣ бо ҷомеаи шаҳрвандӣ,  татбиқи сиёсати гендерӣ дар Ҷумҳурии Тоҷикистон, Этикаи хизмати давлатӣ лексияҳо мехонанд.

         Дар раванди таълим кафедра ба маҷмўи вазифаҳое, ки хизматчии давлатӣ дар ҷои кори худ ба ҷо  меорад, такя намуда, дар баробари ин омўзиши улуми инсонӣ ва ҷомеашиносиро ҳамчун маҳаки таълиму тарбияи маънавии хизматчиёни давлатӣ ба асос мегирад.

       Фанҳои кафедра ба хизматчиёни давлатӣ ва магистрони Академия бо дарназардошти истифодаи амалии донишҳои азбаркарда дар фаъолияти амалӣ таълим дода мешаванд.

Тазаккур бояд дод, ки кафедра ҷавонони болаёқат ва дорои унвонҳои илмиро даъват ба кор дорад. Дар оянда базаи илмии кафедраро аз рўи мутахассисони арзандаи соҳаи психология ва сотсиологияи идоракунӣ пурра намояд.

Ҳоло кафедраи психология ва сотсиологияи идоракунӣ нақшаҳои зиёд дорад ва дар ин самт фаъолияти густурда анҷом медиҳад