Абдулхонов Файзалӣ Маҳмудович

Мудири кафедра

Тел: +992 933339946

E-mail: faiz-7704@mail.ru

 

 

Кафедраи идоракунии давлатӣ ва худидоракунӣ

Кафедраи идоракунии давлатӣ ҷузъи асосии таълимӣ, методӣ ва илмии Академияи идоракунии давлатии назди Президенти Ҷумҳурии Тоҷикистон ба ҳисоб меравад. Фаъолияти таълимию тарбиявӣ ва такмили ихтисоси хизматчиёни давлатиро оид ба масъалаҳои идоракунии давлатӣ ва худидоракуниро ба роҳ монда, дар самти иҷрои корҳои илмӣ-тадқиқотӣ, тайёр кардани мутахассисони илмӣ баланд бардоштани савияи тахассусии ҳайат саҳм мегузорад.

Самтҳои асосии фаъолияти илмӣ ва таълимии кафедра иборат аст аз:

· татбиқи сиёсати Президенти Ҷумҳурии Тоҷикистон ва Ҳукумати Ҷумҳурии Тоҷикистон нисбат ба идоракунии  давлатӣ ва худидоракунӣ

· омўзонидани таърихи идоракунии давлатдории тоҷикон

. омўзонидани идоракунии давлатӣ ва хизмати давлатии мамлакатҳои хориҷӣ

· тарзи дуруст ба роҳ мондани мафҳумҳои менеҷмент дар байни донишҷўён ва магистрантон

· омўзиши вижагиҳои идоракунии давлатӣ ва худидоракунӣ

· ба тарзи систематикӣ баёни консепсияҳои асосӣ, амсилаҳо ва мақулаҳои менеҷменти стратегӣ

· тарғиби сиёсати давлат ва Ҳукумати Ҷумҳурии Тоҷикистон оид ба идоракунии давлатӣ ва худидоракунии маҳаллӣ

· омӯзиши таҷрибаи мактабҳои идоракунии давлатии мамлакатҳои хориҷа дар фаъолияти касбӣ

· омӯзонидани санадҳои меъёрӣ-ҳуқуқӣ дар самти идоракунии давлатӣ ва худидоракунии маҳаллӣ

· таҷрибаи мактаби идоракунии давлатии Пешвои миллат, Эмомалӣ Раҳмон дар байни донишҷўён, магистрантон ва хизматчиёни давлатӣ

Фаъолияти кории кафедра баҳри таҳкими низоми идоракунии давлатии Ҷумҳурии Тоҷикистон: таърих, назария ва амалия равона гардида, мувофиқи он нақша ва барномаҳои таълимии кафедра (силлабусҳо) ва чорабиниҳои илмӣ таҳия мегарданд ва дар ин замина кормандони кафедраи идоракунии давлатӣ корҳои зеринро ба анҷом мерасонанд:

– ташкил ва гузаронидани машғулиятҳои лексионӣ, семинарӣ, амалӣ ва дигар намудҳои машғулиятҳои таълимӣ тибқи нақшаҳои таълимии Академияи идоракунии давлатии назди Президенти Ҷумҳурии Тоҷикистон;

– роҳбарӣ ба корҳои таълимию методӣ, корҳои курсию магистрӣ, рефератҳо, таҷрибаомӯзӣ, корҳои мустақилонаи донишҷӯён ва магистрантон, ташкил ва гузаронидани суҳбат ва санҷишу имтиҳонҳои ҷорӣ;

– таҳия ва табъу нашри барномаҳои таълимӣ оид ба фанҳои тадрисшавандаи идоракунӣ;

– таҳияи китобҳои дарсӣ, дастурҳои таълимӣ, маҷмӯаҳои таълимию методӣ ва дигар маводи методӣ вобаста ба нақшаҳои таълимӣ ва самтҳои нави тахассус;

– ба роҳ мондани корҳои илмию тадқиқотӣ;

– роҳбарӣ ба корҳои илмию тадқиқотии донишҷӯён ва магистрантҳо;

–  баррасии нақшаву барномаҳои инфиродии таълимӣ, илмӣ, методӣ ва корҳои тарбиявии устодон ва кормандони кафедра;

– омӯзиш, баррасӣ ва татбиқи таҷрибаи пешқадами омӯзгорони кафедра; – муҳокимаи рисолаҳои хатм, магистрӣ, номзадию докторӣ ва барои ҳимоя пешниҳод намудани онҳо