Шамсуллозода  Шукрулло

Мудири кафедра

Тел: +992 934 526 666

E-mail: shamsullozoda81@mail.ru

Таърихи кафедраи “Идоракунии молияи давлатӣ”

Кафедраи “Идоракунии молияи давлатӣ” дар асоси Қарори Шурои олимони Донишкадаи идоракунии давлатии назди Президенти Ҷумҳурии Тоҷикистон таҳти рақами № 1/5 аз 30 августи соли 2019 – ум ҳамчун кафедраи тахассусӣ таъсис ёфтааст. Роҳбарии кафедраи номбурдаро номзади илмҳои иқтисодӣ, дотсент Шамсуллозода Шукрулло ба ӯҳда дорад.

Мақсади таъсиси кафедра ин тайёр кардани мутахассисони соҳаи идоракунии молияи давлатӣ мебошад.

Имрӯз дар кафедраи номбурда 29 – нафар устодон, профессорон ва дотсентон фаъолият мекунанд, аз он ҷумла: 3 – нафар докторони илмҳои иқтисодӣ, профессор, 7 – нафар номзадҳои илмҳои иқтисодӣ, 4 – нафар муаллимони калон ва 15 – нафар ассистентон ба донишҷӯён дарс мегўянд.

Кафедра таълиму тарбияи насли наврасро дар асоси низоми кредитӣ, ки ба стандартҳои байналхалқӣ ҷавобгӯй аст, ба роҳ мондааст. Дар назди кафедраи «Идоракунии молияи давлатӣ» доир ба ҳар як фанни таълимӣ синфхонаи таълимии бо маводҳои методӣ ва таълимӣ ҷиҳозонидашуда мавҷуд аст. Қабули корҳои мустақилонаи донишҷӯён хело хуб ба роҳ монда шудааст.

Дар назди кафедра маҳфили илмии «Молиячиёни ҷавон» бо мақсади баланд бардоштани савияи дониши донишҷӯён ва ба корҳои илмӣ омодасозии онҳо амал менамояд. Дар маҳфилҳои мазкур донишҷӯён таҳти роҳбарии профессорону дотсентони кафедра бо гузоришу маърӯзаҳои илмӣ дар семинару маҳфилҳо иштирок менамоянд, ва ба конфронсҳои дохилидонишкадавию олимпиадаҳо ва берун аз он пешбарӣ карда мешаванд. Дар раванди фаъолияти кафедраи мазкур семинар ва мизҳои мудаввари илмӣ – методиро дар мавзӯҳои гуногуни молиявӣ, соҳибкорӣ, бонкдорӣ, суғуртавӣ, сармоягузорӣ ва ғ. баромадҳо намудаанд.

Кафедраи идоракунии молияи давлатӣ дар соли хониши таҳсили     2019 – 2020 фанҳои зеринро бо забонҳои давлатӣ ва русӣ тибқи барномаҳои таълимии низоми кредитии таҳсилот ба роҳ мондааст:

• Асосҳои фаъолияти соҳибкорӣ;
•  Андоз ва андозбандӣ;
• Баҳисобгирии муҳосибӣ таҳлил ва аудит;
• Менеҷменти молиявӣ;
• Стратегия ва барномаҳои давлатӣ;
• Пул, қарз бонк;
• Фаъолияти бозори  суғуртавӣ;
• Идоракунии молияи давлатӣ ва маҳаллӣ;
• Назорат ва тафтишоти молиявӣ;
• Идоракунии молиявӣ;
• Таҳлили молиявӣ;
• Буҷет ва низоми буҷетӣ;
• Муҳоҷират ва бозори меҳнат;
• Сармоягузорӣ;
• Асосҳои маркетинг.