Давлатова Рухсора
Мудири китобхона
Тел.: +992
E-mail:
Фаъолияти Китобхонаи илмӣ ва бадеӣ-сиёсӣ Академияи идоракунии давлатии назди Президенти Ҷумҳурии Тоҷикистон
Китобхонаи илмии Академияи идоракунии давлатии назди Президенти Ҷумҳурии Тоҷикистон соли 2002 дар заминаи китобхонаи Донишкадаи такмили ихтисоси хизматчиёни давлатии Ҷумҳурии Тоҷикистон соли 2002 таъсис ёфта, фаъолияти худро идома дода истодааст.
Китобхона асосан дар се самт фаъолият мекунад: китобнигоҳдорӣ, хониш, хизматрасонӣ.
Сохтори Китобхонаи илмӣ
Китобхонаи илмии Академияи идоракунии давлатии назди Президенти Ҷумҳурии Тоҷикистон фаъолияти худро дар асоси Қонуни Ҷумҳурии Тоҷикистон «Дар бораи фарҳанг» (1997), Қонуни Ҷумҳурии Тоҷикистон «Дар бораи фаъолияти китобдорӣ» ва дигар санадҳои танзимкунандаи соҳаи китобдорӣ ва нақшаи тасдиқгардида ба роҳ монда шудааст.
Китобхонаи илмӣ ва электронӣ бо 253 000 фонди иттилооти электронӣ ба Интернет пайваст карда шудааст, инчунин маърӯзаҳои устодони Академия дар пойгоҳи электронии китобхонаҳо дастрас мебошад.
Санаи 4 феврали соли 2020 дар асоси Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар заминаи Китобхонаи илмии Академия китобхонаи бадеӣ- сиёсӣ бо ғунҷоиши 5 ҳазор китоб аз фонди китобхонаи шахсии устодон, кормандон, магистрантон, ва донишҷўёни Академияи таъсис дода шуд.
Махзани китобхона
Айни ҳол, хазинаи умумии Китобхонаи илмии Академияро 272474 нусха — адабиётҳои илмӣ, бадеӣ, сиёсӣ, тахасусӣ, соҳавӣ, «Паёми Донишкадаи такмили ихтисоси хизматчиёни давлатии Ҷумҳурии Тоҳикистон», маҷаллаи илмӣ-сиёсии «Идоракунии давлатӣ», маҷаллаҳои ватаниву хориҷӣ ва маводи чопию электрониро ташкил медиҳад. Аз ин ҳисоб: 19474 нусха хазинаи асоси; 253 000 нусха — маводи чопию электронӣ ташкил медиҳад. Хазинаи китобхона аз ду қисм иборат мебошад: тоҷикӣ, русӣ ва англисӣ.
Системаи таснифи китобхона аз таҳқиқоти илмӣ, илмӣ-лингвистӣ ва библиографӣ бо алифбои соҳавӣ, рақамӣ, электронӣ ва русӣ бо истифода аз миқдори барномаҳои замимавӣ бо таснифи асарҳои библиографӣ дар таснифоти библиографии китобхона (УДК) иборат аст ва ба стандарти фаъолияти китобдорӣ мувофиқат мекунанд. Инчунин, кормандони Китобхонаи илмии Академия дар ҳамкорӣ бо мутахассисони Маркази «Технологияҳои иттилоотӣ ва коммуникатсионӣ» барномаи компютерии таҳия ва истифодаи «Феҳристи китобҳои электронии Китобхонаи илмии Академия»-ро тартиб дода истодаанд. Бо истифода аз ин барнома хонандагон метавонанд дар шабакаи дохилии компютерҳои китобхона адабиёти лозимиро тибқи ному насаби муаллифон ва ё унвони асар дарёфт намуда, онро мавриди истифода қарор диҳанд.
Китобхонаи илмии Академия дар радифи дигар китобхонаҳои мамолики мутаррақї кўшиш ба харҷ медиҳад, ки хидматрасониашро дар кӯтоњтарин фурсат пурра ба талаботи замони муосир мутобиқ намояд.
Имрўз кормандони Китобхонаи илмии Академия сайъ доранд, ки дар муддати муайянгардида ҳамаи адабиёти гуногуни китобхонаро ба феҳристи электронӣ дохил намоянд.
Дастгоҳҳои иттилоотии библиографӣ
Дастгоҳи иттилооти библиографӣ китобхонаи анъанавӣ электронӣ ва рақамӣ мебошад.
Тибқи нақшаи таҳқиқот, системаи иттилооти библиографӣ ба таснифи китобхонаҳо аз рӯи талаботи илмӣ, инчунин ба рӯйхати пурраи таснифоти электронӣ ва системаи китобхонаҳои электронӣ барои кормандони Академия мутобиқ карда шуда, таҳия карда шудааст. Шумораи аъзоёни китобхона то имрӯз ба 2358 нафар расидааст.
Чорабиниҳои илмӣ—назариявӣ
Тибқи нақшаи кории китобхонаи илмӣ давра ба давра дар толори хониш конфронсҳои илмӣ-назариявӣ, семинарҳои илмӣ, вохӯриҳо бо олимону адибон баргузор карда мешаванд ва мундариҷаи ин чорабиниҳо ба маҷаллаҳои илмӣ-назариявӣ, илмӣ ва методӣ, инчунин веб-сайт ва махзани электронии китобхона дохил карда мешаванд ва шумо метавонед онҳоро дар сайти расмии Академия пайдо намоед.
