Раҳмонова Наргис Шарифовна
Директори Пажуҳишгоҳ
Тел.: +992 917-09-02-99
E-mail: nargisbonu66@gmail.com
Пажӯҳишгоҳи равандҳои сиёсӣ, дипломатия ва масоили ҷаҳонишавӣ бо фармони Президенти Ҷумҳурии Тоҷикистон аз 29 феврали соли 2020, №1463 ҳамчун сохтори алоҳида ва мустақили Академияи идоракунии давлатии назди Президенти Ҷумҳурии Тоҷикистон таъсис дода шуда, расман ба фаъолият шуруъ намуд. Пажӯҳишгоҳ дар доираи ваколати худ фаъолияти илмӣ, тадқиқотӣ ва таҳлилиро вобаста ба равандҳои сиёсӣ, дипломатия ва масоили ҷаҳонишавӣ ба анҷом мерасонад. Пажӯҳишгоҳи равандҳои сиёсӣ, дипломатия ва масоили ҷаҳонишавӣ ҳамчун воҳиди сохтории Академияи идоракунии давлатии назди Президенти Ҷумҳурии Тоҷикистон функсияҳои таълимӣ, таҳлилӣ ва тадқиқотӣ-илмиро дар самтҳои сиёсати дохилӣ ва байналмилалӣ, масъалаҳои дипломатия ва падидаҳои ҷаҳонишавӣ бо ба инобат гирифтани манфиатҳои миллӣ иҷро менамояд.
Ҳадафи Пажуҳишгоҳ. Мақсади асосии фаъолияти Пажуҳишгоҳ пешбурди фаъолияти таълимӣ, таҳлилӣ, мустаҳкамнамоии таҳкурсии илмӣ ва тадқиқоти назарӣ-амалӣ мебошад. Пажуҳишгоҳ ҷиҳати расидан ба мақсади худ вазифаҳои зеринро амалӣ менамояд:
– коркард, ҷамъоварӣ ва таҳияи маводи илмӣ оид ба падидаҳои сиёсӣ, дипломатия ва масоили ҷаҳонишавӣ дар сатҳи муосири илмию техникӣ;
– омӯзиш, таҳлил ва пешниҳоди хулоса оид ба падидаҳои сиёсӣ ва сиёсатшиносӣ, дипломатия ва масоили ҷаҳонишавӣ дар асоси методҳои илман асоснокшуда;
– коркард ва таҳияи лоиҳаву барномаҳои илмӣ, тадқиқотӣ ва ҷамъиятӣ ё иштирок дар онҳо ҳамчун узви мустақил;
– ба роҳ мондани ҳамкории судманд бо мақомот ва муассисаҳои давлатӣ ҷиҳати татбиқи сиёсати давлатӣ дар соҳаҳои муҳимми ҷамъиятӣ;
– таъмини ҳамкорӣ ва алоқаи илмӣ бо муҳаққиқон оид ба мавзуъҳои илмӣ ва таъмини сифати баланди ҳифзи корҳои илмӣ-тадқиқотӣ дар самти сиёсатшиносӣ, дипломатия ва масоили ҷаҳонишавӣ;
– ҳамкорӣ бо ташкилотҳои ҷамъиятӣ ва созмонҳои байналмилалӣ ҷиҳати дарёфти грантҳо ва сарчашмаҳои маблағгузорӣ баҳри татбиқи лоиҳаву барномаҳои илмӣ, тадқиқотӣ ва таҳлилӣ;
– таъмини назорат аз болои иҷрои саривақтӣ ва босифати корҳои илмию тадқиқотӣ тибқи мушаххасоти техникӣ ва барномаҳои тасдиқшуда;
– ташкил, гузаронидан ва иштирок дар чорабиниҳои фарҳангӣ-сиёсӣ;
– коркард ва таҳияи китобҳои дарсӣ, модулҳои таълимӣ ва дигар маводи чопӣ ҷиҳати баланд бардоштани фарҳанги сиёсии ҷомеаи шаҳрвандӣ;
– иштирок ва пешбурди корҳои тарғиботиву ташвиқотӣ ҷиҳати татбиқи сиёсати давлатӣ дар соҳаҳои мухталифи ҳаёти ҷамъиятӣ;
– ташкил ва гузаронидани семинар, конференсия, мизи мудаввар ва симпозиюмҳо вобаста ба мавзуи самти фаъолияти худ;
– ҳамкорӣ, дастгирӣ ва додани тавсия ба донишҷӯёну муҳаққиқони илмӣ оид ба корҳои илмии марбути сиёсат, дипломатия ва масоили ҷаҳонишавӣ.
Самтҳои асосии фаъолияти илмӣ ва таълимии Пажуҳишгоҳ. Пажӯҳишгоҳ аз марказҳои зерини омӯзишии зерсохторӣ иборат аст:
- Маркази омӯзиши масоили ҷаҳонишавӣ ва муносибатҳои байналмилалӣ;
- Маркази омӯзиши афкори иҷтимоӣ ва равандҳои сиёсӣ;
- Маркази муқовимат бо терроризм ва ифротгароӣ;
- Маркази пешгирии хушунати хонаводагӣ.
Ду Маркази аввал бунёдӣ буда, ба пажӯҳишҳои илмӣ-тадқиқотӣ ва ғоявӣ-назариявиро машғул мебошад, ки аз номи марказҳо проблематикаи онҳо бармеояд.
Ду Маркази охир бо назардошти лоиҳаҳо ва ҳамкориҳои роҳандозишудаи Академия бо ташкилотҳои давлатию байналмилалӣ таъсис ёфтаанд, ки ҳоло хислати муваққатӣ доранд. Гарчанде проблематикаи ин ду Марказ дар ҷомеаи имрӯза мубрам арзёбӣ мешавад.
Инчунин, дар зерсохтори Пажӯҳишгоҳ минбаъд мумкин аст дар мавзуъҳои дигар марказу лоиҳаҳои нави хислати муваққатӣ дошта таъсис дод.
Дастовардҳои Пажуҳишгоҳ.
Инчунин ҳайати кормандони Пажӯҳишгоҳ, дар конференсия, семинарҳо ва мизҳои мудаввар дар сатҳи байналмилалӣ ва ҷумҳуриявӣ иштирок намуда, бевосита ҳамчун маърузакунандагон дар кори онҳо иштироки фаъол доранд.
Дар назди Пажуҳишгоҳ 2 нафар корманд, аз ҷумла 1 нафар д.и.ф., профессор, директори Пажӯҳишгоҳ ва муаллими калон, мутахассиси пешбари илмӣ фаъолият менамоянд.