Сардори шуъба

Тел.: (+992) 

E-mail 

Шуъбаи омодакунии кадрҳои илмӣ ва илмӣ-педагогӣ яке аз сохторҳои асосии тайёр намудани кадрҳои баландихтисос ва илмию педагогӣ мебошад, ки фаъолияташро дар ин самт амалӣ мегардонад.

Шуъбаи омодакунии кадрҳои илмӣ ва илмӣ-педагогӣ фаъолияти худро дар сохтори раёсати илм ва инноватсияи Академия  дар асоси қонунгузории Ҷумҳурии Тоҷикистон, фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, фармоиш ва дастурҳои вазири маориф ва илми Ҷумҳурии Тоҷикистон, қарорҳои мушовараи Вазорати маориф ва илми Ҷумҳурии Тоҷикистон, Низомномаи шуъба, Оинномаи Муассисаи давлатии «Академияи  идоракунии давлатии назди Президенти Ҷумҳурии Тоҷикистон», фармоишҳои ректори Академия, супоришҳои ноиби ректор оид ба илм ва инноватсия ва дигар санадҳои меъёрии ҳуқуқии соҳаи маориф ва илм ба роҳ мондааст.

Мақсади асосии фаъолияти шуъба ташкил, ҳамоҳангсозӣ, назорат ва амалисозии чорабиниҳо оид ба омодакунии кадрҳои илмӣ ва илмӣ-педагогии дараҷаи олӣ дар Академия  мувофиқи талаботҳои амалкунанда мебошад.

Айни замон дар шуъба докторантони доктори фалсафа (PhD), доктор аз рӯйи ихтисос аз рӯи ихтисосҳои гуногун таҳсил менамоянд. Ҳамчунин унвонҷӯёни зиёде дар Академия вобаста шудаанд, ки аз рӯйи ихтисосҳои гуногун корҳои илмӣ-таҳқиқотии худро пеш бурда истодаанд. Дар шуъба се нафар корманд фаъолият менамоянд.

Дар шуъба аз рӯйи зинаи докторантура 9 ихтисос амал мекунад:

Таҳсил дар докторантура – доктори фалсафа PhD, доктор аз рӯйи ихтисос барои шаҳрвандони Ҷумҳурии Тоҷикистон ва шаҳрвандони хориҷӣ дар шакли рӯзона сурат мегирад.

Ба докторантура – доктори фалсафа PhD, доктор аз рӯйи ихтисос дар шакли таҳсили рӯзона довталабоне қабул карда мешаванд:

— дараҷаи академии магистр доранд;

— яке аз забонҳои хориҷӣ (англисӣ, немисӣ, фаронсавӣ ва ѓайра)-ро медонанд. Бо ин мақсад довталабони докторантура дар баробари имтиҳонҳои дохилшавӣ аз ихтисос, ҳамчунин аз як забони хориҷӣ имтиҳони дохилшавӣ месупоранд.

Шаҳрвандони хориҷие, ки ба зинаи докторантура – доктори фалсафа PhD, доктор аз рӯйи ихтисос дохил мешаванд, иловатан аз фанни забони тоҷикӣ имтиҳони дохилшавӣ месупоранд.

Имтиҳони дохилшавӣ аз рӯйи як забони хориҷӣ дар ҳаҷми барномае, ки барои хатмкунандагони муассисаҳои таҳсилоти олии касбии Ҷумҳурии Тоҷикистон (дараҷаи магистратура) муайян карда шудааст, гузаронида мешавад.

Имтиҳон аз рӯйи фанҳои махсус дар ҳаҷми барномаи таҳсилоти олии касбӣ (дараҷаи магистратура) дар шакли хаттӣ, шифоҳӣ ва ё тестӣ гузаронида мешавад.

Шаҳрвандони хориҷӣ ба зинаи докторантура – доктори фалсафа PhD, доктор аз рӯйи ихтисос дар Академияи идоракунии давлатии назди Президенти Ҷумҳурии Тоҷикистон тариқи пулакӣ қабул карда мешаванд.

Тартиби қабул ба докторантура – доктори фалсафа PhD, доктор аз рӯйи ихтисос барои шаҳрвандони Ҷумҳурии Тоҷикистон тариқи ройгон ва пулакӣ муайян карда мешавад.

Шахсоне, ки таҳсилоти олии касбии «мутахассис» (ба ѓайр аз ихтисосҳои тиббии клиникӣ) доранд, танҳо баъди хатми магистратура ба докторантура — доктори фалсафа PhD, доктор аз рӯйи ихтисос қабул карда мешаванд.

Муддати таҳсил дар докторантура — доктори фалсафа PhD, доктор аз рӯйи ихтисос 3 сол мебошад.

Номгӯи ҳуҷҷатҳое, ки барои дохилшавӣ ба докторантура аз рӯйи ихтисос пешниҳод мешаванд:

— ариза ба номи Ректори Академия, бо розигии мудири кафедра ва декани факултет (ихтисос ва кафедра нишон дода шавад);

-анкетаи дохилшаванда ба докторантура;

-нусхаи нотариалии тасдиқкардашудаи дипломҳои таҳсилоти олӣ ва баъдидипломӣ ва замимаҳои онҳо (дипломи бакалавр ва магистр);

-варақаи шахсии баҳисобгирии кадрҳо;

-нусхаи дафтарчаи меҳнатӣ, ки аз тарафи шуъбаи кадрҳо тасдиқ карда шудааст (ҳангоми доштани собиқаи корӣ);

-сетификати супурдани имтиҳонҳои иловагӣ аз забони хориҷӣ, дар сурати мавҷуд будан (TOEFL ва ѓайра);

-мактуби тавсиявӣ (бо тасдиқи муҳри ташкилот);

-рӯйхати чопи мақолаҳои илмӣ ва корҳои таълимӣ-методӣ (дар ҳолати надоштан пешниҳод намудани реферат аз рӯйи ихтисос бо тақризи на камтар аз ду мутахассиси соҳа);

-асосномаи таҳқиқоти диссертатсионии банақшагирифташуда дар мувофиқа бо мушовири илмии ватанӣ ё хориҷӣ (тибқи дархости муассисаҳои таҳсилоти олии касбӣ ва илмӣ);

-нусхаи шиноснома;

-маълумотномаи тиббӣ (шакли 038);

-6 дона расми андозаи 3х4;

-ҷузвдон (папка-файл).

Барои қабул шудан ба ҳайси унвонҷӯ аз довталаб ҳуҷҷатҳои зерин қабул карда мешаванд:

-ариза ба номи ректори Академия бо розигии мудири кафедра ва декани факултет (ихтисос ва кафедра нишон дода шавад);

-варақаи шахсӣ бо ду дона расми андозаи 3х4;

-тарҷумаи ҳол;

-тавсифнома аз ҷойи кор;

-нусхаи дипломи таҳсилоти олии касбӣ (барои шахсоне, ки муассисаҳои таҳсилоти олии касбии кишварҳои дигарро хатм кардаанд, шаҳодатномаи баробарарзиши ҳуҷҷатҳо оид ба таҳсилот);

-нусхаи дипломи дараҷаи илмӣ (барои унвонҷӯёни дараҷаи илмии доктори илм);

-шаҳодатнома дар бораи супоридани имтиҳонҳои минимуми номзадӣ (барои шахсоне, ки имтиҳонҳои номзадиро супоридаанд, муҳлати супоридани онҳо набояд аз панҷ сол зиёд бошад);

-маълумотномаи тиббӣ (шакли 038);

-нусхаи шиноснома;

-ҷузвдон (папка-файл).

Маълумоти иловагиро оид ба қабули докторантура — доктори фалсафа PhD, доктор аз рӯйи ихтисос ва унвонҷӯӣ аз раёсати илм ва инноватсияи Академия дарёфт кардан мумкин аст.