Мавлонов Хуршед Давлаталиевич

Сардори шуъба

Тел.: (+992) 988-68-76-08

E-mail: hurshed.0001@mail.ru

Самти фаъолияти шуъба

Шуъбаи таҳрир ва табъу нашри Академияи идоракунии давлатии назди Президенти Ҷумҳурии Тоҷикистон яке аз воҳидҳои таркибии сохтори муассисаи давлатии “Академияи идоракунии давлатии назди Президенти Ҷумҳурии Тоҷикистон” ба ҳисоб рафта, фаъолияташро дар заминаи қонунгузории ҷорӣ, фармоишҳои Ректори Академия, низомномаи  шуъба ва дигар санадҳои меъёрии ҳуқуқӣ ба роҳ монда, дар ҳамкорӣ бо раёсату шуъбаҳои  Академия, факултетҳои он, васоити ахбори умуми ватанӣ, ташкилот ва иттиҳодияҳои ҷамъиятӣ, ки бевосита бо ВАО сару кор доранд, анҷом медиҳад.

Яке аз вазифаҳои асосии шуъба ин пешниҳоди мақолаҳо, изҳороту вокунишҳо ба рӯзномаҳои кишвар, инчунин, дар маҷалла, рӯзнома ва сомонаи Академия дар мавзуҳҳои ватандӯстӣ, хештаншиносӣ, арҷгузорӣ ба муқаддасоти миллӣ, ҳифзи марзу буми давлатӣ, маҳкумияти созмону равияҳои тундгарою ифротӣ ва тарғиби сиёсати давлату Ҳукумат, хусусан, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

Дар назди шуъба маҷаллаи илмии “Идоракунии давлатӣ”,  рӯзномаи “Сарвар ва миллат” ва сомонаи Академия “apa.tj” фаъолият менамояд.

Кормандони шуъбаи таҳрир ва табъу нашри Академияи идоракунии давлатии назди Президенти Ҷумҳурии Тоҷикистон фаъолияти худро мунтазам дар доираи низомнома, нақшаи корӣ, фармоиши Ректори Академия, қарорҳои раёсат ба роҳ монда, дастуру супоришҳои Роҳбарияти Академияро сари вақт иҷро намуда истодаанд.