Шарифхоҷаева Саодат Амирхоҷаевна
номзади илмҳои педагогӣ, дотсент
Декани факултет
Тел.: (+992) 905 008-332
E-mail: sharifkhojaevas@mail.ru
Факултети дипломатия ва сиёсати Академияи идоракунии давлатии назди Президенти Ҷумҳурии Тоҷикистон маркази асосӣ ва пешбари таҳсилоти олии касбии муносибатҳои байналмилалӣ дар Ҷумҳурии Тоҷикистон ба ҳисоб рафта, баҳри тадқиқу омӯзиши паҳлуҳои гуногуни илмҳои муносибатҳои байналмилалӣ мақоми аввалиндараҷаро соҳиб мебошад. Факултет дар татбиқи сиёсати давлатии тайёр кардани кадрҳо, иҷроиши барномаву стандартҳои давлатии соҳаи маориф ва илм ҳамчун сохтори таркибии Академия фаъолият намуда, таъмини устувор ва босифати кадрҳоро дар хадамоти робитаҳои байналмилалии мақомоти ҳокимияти давлатӣ, идоракунии давлатӣ, Вазорати корҳои хориҷии Ҷумҳурии Тоҷикистон, Вазорати рушди иқтисод ва савдои Ҷумҳурии Тоҷикистон, мақомоти худидораи маҳаллӣ, корхонаву муассиса, ташкилотҳо, биржаҳо, бонкҳо ва макотиби олии ҷумҳурӣ амалӣ месозад.
Фаъолияти асосии илмӣ-тадқиқотии факултети дипломатия ва сиёсат ин тарбияи кадрҳои баландихтисоси соҳаи дипломатия, муносибатҳои байналмилалӣ ва сиёсат буда, гузаронидани таҳқиқотҳои илмиро аз рӯи самтҳои илмии таҳқиқотии кафедраҳои марбута рӯи мавзӯи таърихи дипломатия ва муносибатҳои байналмилалӣ, муносибатҳои байналмилалии муосир, равандҳои муосири ҳамгироӣ (интегратсионӣ), масъалаҳои муҳими сиёсати байналмилалӣ ва минтақавӣ мебошад. Фаъолияти ҳайати устодони факултет ташаккул додани дониш, маҳорат ва малакаҳои касбӣ дар доираи фаъолияти муносибатҳои байналмилалӣ, сиёсат ва идораи давлатӣ ва менеҷменти сиёсӣ, масъулиятнокӣ, ҷаҳонбинӣ ва ҳувияти миллиро дар донишҷӯён тарбия намудан мебошад.
Дар факултет 8 кафедра фаъолият менамояд:
- Кафедраи дипломатия ва муносибатҳои байналмилалӣ
- Кафедраи ҳуқуқи байналмилалӣ
- Кафедраи сиёсат ва робита бо ҷомеа
- Кафедраи ҳуқуқ ва ҳуқуқшиносии муқоисавӣ
- Кафедраи фалсафа ва илмҳои гуманитарӣ
- Кафедраи технологияи иттилоотӣ ва амнияти иттилоотӣ
- Кафедраи забони тоҷикӣ ва ҳуҷҷатнигорӣ
- Кафедраи забонҳои хориҷӣ
Дар факултет донишҷўён аз рўи 3 ихтисос таҳсил менамоянд:
Ихтисоси 1- 230101 – муносибатҳои байналмилалӣ;
Ихтисоси 1-2301060103 – сиёсат ва идораи давлатӣ бо забони тоҷикӣ;
Ихтисоси 1-2301060301 – менеҷменти сиёсӣ.
Таҳсил дар факултет пурра ба низоми таҳсилоти кредитӣ гузашта, аз рӯи низоми сезинагӣ: бакалавриат, магистратура дар назди кафедраҳои дипломатия ва муносибатҳои байналмилалӣ, сиёсатшиносӣ ва робита бо ҷомеа, ҳуқуқи байналмилалӣ ва технологияи иттилоотӣ ва амнияти иттилоотӣ, унвонҷӯ ва доктор аз рӯи ихтисос (PHD) ба роҳ монда шудааст.