ЭЪЛОН

АКАДЕМИЯИ ИДОРАКУНИИ ДАВЛАТИИ НАЗДИ ПРЕЗИДЕНТИ ҶУМҲУРИИ ТОҶИКИСТОН ОЗМУНИ ҚАБУЛИ УНВОНҶӮЁНРО БАРОИ СОЛИ ТАҲСИЛИ 2022-2023 АЗ РӮЙИ ИХТИСОСҲОИ ЗЕРИН ЭЪЛОН МЕНАМОЯД

БАРОИ ДАРЁФТИ ДАРАҶАИ НОМЗАДИ ИЛМ

Унвонҷӯён барои супоридани имтиҳонҳои номзадӣ ва тайёр намудани рисола барои дарёфти дараҷаи номзади илм аз рӯйи ихтисосҳои марбута ба Академия вобаста карда мешаванд.

Унвонҷӯён тариқи ройгон ва пулакӣ қабул карда мешаванд.

Шаҳрвандони хориҷӣ ба унвонҷӯӣ дар асоси қарордод ва ё шартномаву созишномаҳои байналмилалӣ, ҳамчунин аз рӯйи робитаҳои мустақим доштан бо Академия пас аз пешниҳод намудани нусхаи шаҳодатномаи баробарарзиши таҳсилот, ки онро Агентии назорат дар соҳаи маориф ва илми назди Президенти Ҷумҳурии Тоҷикистон додааст, қабул карда мешаванд.

Муҳлати умумии унвонҷӯӣ дар Академия чаҳор сол муқаррар шудааст.

Барои қабул шудан ба ҳайси унвонҷӯ аз довталаб ҳуҷҷатҳои зерин қабул карда мешаванд:

-ариза ба номи Ректори Академия бо розигии мудири кафедра ва декани факултет (ихтисос ва кафедра нишон дода шавад);

-варақаи шахсӣ бо 4 – дона расми андозаи 3х4;

-тарҷумаи ҳол;

-тавсифнома аз ҷойи кор;

-нусхаи дипломи таҳсилоти олии касбӣ (барои шахсоне, ки муассисаҳои таҳсилоти олии касбии кишварҳои дигарро хатм кардаанд, шаҳодатномаи баробарарзиши ҳуҷҷатҳо оид ба таҳсилот);

-нусхаи дипломи дараҷаи илмӣ (барои унвонҷӯёни дараҷаи илмии доктори илм);

-шаҳодатнома дар бораи супоридани имтиҳонҳои минимуми номзадӣ (барои шахсоне, ки имтиҳонҳои номзадиро супоридаанд, муҳлати супоридани онҳо набояд аз панҷ сол зиёд бошад);

-маълумотномаи тиббӣ (шакли 038);

-нусхаи шиноснома;

-ҷузвдон (папка-файл).

Қабули ҳуҷҷатҳо аз то 10.12.2022 муайян гардидааст.

Маълумоти иловагиро оид ба қабули унвонҷӯён аз раёсати илм ва инноватсия ва шуъбаи омодакунии кадрҳои илмӣ ва илмӣ-педагогии Академия дарёфт кардан мумкин аст.

Суроға: ш. Душанбе, н. И. Сомонӣ, кӯчаи Саид Носир 33.

Телефон барои тамос:+992-988-25-15-14, 228-91-92

Сомонаи Академия: www.apa.tj