ИШТИРОКИ РЕКТОРИ АКАДЕМИЯ ДАР КОНФЕРЕНСИЯИ БАЙНАЛМИЛАЛИИ “ТЕХНОЛОГИЯҲОИ ИННОВАТСИОНӢ ДАР ИДОРАКУНИИ ДАВЛАТӢ ВА РУШДИ УСТУВОРИ ИНКЛЮЗИВИИ КИШВАРҲО”

5 апрели соли 2023 Академия идоракунии давлатии назди Президенти Ҷумҳурии Озарбоҷон конференсияи байнадмилалии “Технологияҳои инноватсионӣ дар идоракунии давлатӣ ва рушди устувори инклюзивии кишварҳо”-ро баргузор намуд.

Конференсияи мазкур бахшида ба чашни 100-солагии арбоби сиёсӣ ва давлатӣ, Пешвои умумимиллии Озарбойҷон Ҳайдар Алиев бо иштироки ректорони академияҳои идоракунии давлатии кишварҳои Осиёи Марказӣ ва Федератсия Россия, намояндагони муассисаҳои таълимии Туркия ва Исроил гузаронида шуд.

Дар конференсияи мазкур ректори Академияи идоракунии давлатии назди Президенти Ҷумҳурии Тоҷикистон, д.и.ҳ., профессор Ғафурзода Абдухалил Давлаталӣ тариқи маҷозӣ вобаста ба ҷорӣ намудани технологияи инноватсионӣ дар идоракунии давлатӣ ва таҷрибаи истифодабарии он дар Ҷумҳурии Тоҷикистон баромад намуд.