Боиси сарфарозист, ки муаллими калони кафедраи забонҳои хориҷии Академияи идоракунии давлатии назди Президенти Ҷумҳурии Тоҷикистон Бегмуродзода Юсуф Эргаш рисолаи номзадии худро дар Шурои диссертатсионии 6D.КОА-036 назди Донишгоҳи байналмилалии забонҳои хориҷии ба номи Сотим Улуғзода сарбаландона дифоъ намуд.

Бегмуродзода Юсуф диссертатсияи номзадии худро дар мавзуи “Семантический анализ концепта «Пул/Money» в таджикском и английском языках” аз рӯи ихтисоси 10.02.20 - Забоншиносии қиёсӣ-муқоисавӣ, типологӣ ва муқоисавӣ таҳти роҳбарии Ҳасанова Шаҳло Раҳмоновна – Номзади илмҳои филологӣ, дотсент, декани факултети забонҳои Осиёи ДБЗХ ба номи С.Улуғзода ба анҷом расонидааст.

Ҳимояи рисолаи номзадии Бегмуродзода Юсуф дар сатҳи баланд доир гашта, дар рафти он омӯзгорону кормандони Академияи идоракунии давлатӣ, олимон ва муҳаққиқон иштирок намуданд.

Раёсат ва ҳайати профессорону омӯзгорони Академияи идоракунии давлатии назди Президенти Ҷумҳурии Тоҷикистон Бегмуродзода Юсуфро ба ин дастоварди арзишманди илмӣ таҳният гуфта, дар корҳои минбаъдаи илмиаш барору муваффақият орзу менамоянд!