Кафедраи илмҳои табиатшиносӣ ва риёзии факултети Идоракунии давлатии Академияи идоракунии давлатии назди Президенти Ҷумҳурии Тоҷикистон соли 2019 дар асоси сохтори нави Академия таъсис дода шудааст.

Кафедраи мазкур яке аз марказҳои муҳими илмию таълимӣ дар сохтори Академия буда, кулли фаъолияти он тибқи бунёди илмҳои табиатшиносӣ ва риёзӣ сурат мегирад ва ҳалли мушкилоти омўзиши онҳоро ба зимма дорад.

Фаъолияти ҳайати устодони кафедра. Фаъолияти асосии ҳайати устодони кафедра ҷиҳати омўзиши фанҳои табиатшиносӣ, дақиқ ва риёзӣ ба мутахассисони соҳои идоракунии давлатӣ ва муносибатҳои байналмилалӣ, гузаронидани таҳқиқоти илмӣ аз рўи мавзўи бунёдии «Илмҳои табиатшиносӣ, дақиқ, риёзӣ ва варзиш дар рушди фанновариҳо ва тарғиби тарзи ҳаёти солим», таҳия ва таълифи мақолаю дастурҳо ва барномаҳои таълимӣ амалӣ мегардад. Инчунин, дар кафедра вобаста ба мавзўъҳои муҳим мизи мудаввар, маҳфил ва семинару конфронсҳои илмӣ баргузор мегарданд.

Ҳадафи кафедра. Кафедраи мазкур ҷиҳати таҳияи раванди босифати таълими фанҳои табиатшиносӣ, дақиқ ва риёзӣ барои тайёр кардани мутахассисони соҳаи идоракунии давлатӣ ва хизмати давлатӣ мусоидат менамояд. Таълими чунин фанҳо барои тавсеаи тафаккури техникӣ ва ҷаҳонбинии илмӣ, фаъолияти самараноки кадрҳои идоракунии давлатӣ ва муносибатҳои байналмилалӣ ҷиҳати коркард ва қабули қарорҳои мақомоти давлатӣ ва мусоидат намудан ба рушди кадрии Ҷумҳурии Тоҷикистон мусоидат менамояд.

Вазифаҳои асосии кафедра:

• Дар донишҷўён ташаккул додани маҳоратҳои касбӣ, масъулятнокӣ, ҷаҳонбинӣ, мантиқӣ, математикӣ, ҳуввияти миллӣ, ташаккули фарҳанги муосир ва омода намудани мутахассисони касбии соҳаи идоракунии давлатӣ, иқтисодиёт ва хизмати давлатӣ дар ҳама зинаҳои идоракунӣ;
• Коркарди барномаҳои таълимии мувофиқ ба самтҳои идоракунии давлатӣ, таъмини усулҳои инноватсионӣ, сифати баланд дар ҷараёни таълим бо назардошти дастовардҳои замони муосир;
• Фаъолияти таълимӣ, илмӣ – методӣ бо мақсади тайёркунии мутахассисони касбӣ, масъалаҳои рушди илмҳои табиатшиносӣ, дақиқ, риёзӣ ва варзиш дар шароити ҷомеаи муосири Тоҷикистон.

Айни замон дар кафедраи илмҳои табиатшиносӣ ва риёзӣ фанҳои зерин омӯзонида мешаванд:

Математикаи олӣ;

Консепсияи табиатшиносии муосир;

Географияи иқтисодии Тоҷикистон бо асосҳои демография;

Экология;

Эконометрика;

Математика дар иқтисодиёт;

Мудофияи шаҳрвандӣ;

Тарбияи ҷисмонӣ.

Дастовардҳои кафедра. Кафедра барои омодасозии донишҷўёне, ки дар Олимпиадаҳои фаннӣ иштирок намуда, аз фанҳои табиатшиносӣ, дақиқ, риёзӣ сазовори ҷойҳои намоён мегарданд, саҳм мегузорад. Инчунин, ҳайати устодони кафедра дар озмунҳои мухталифи фаннӣ иштирок намуда, сазовори ҷойҳои ифтихорӣ мегарданд.

Дар назди кафедра маҳфили «Математикони ҷавон» ва семинари илмии кафедра амал мекунад. Маҳфил ва семинари мазкур бо мақсади баланд бардоштани сатҳи омӯзиши фанҳои табиатшиносӣ, дақиқ, риёзӣ мунтазам баргузор мегарданд.

Дар кафедра 13 нафар омўзгорон, аз ҷумла 4 нафар номзадони илм, аз онҳо 3 нафар дотсент, 4 нафар муалллими калон, 5 нафар ассистент фаъолият намуда истодаанд.

Мавзӯи илмӣ-таҳқиқотии кафедра барои давраи солҳои 2021-2025 «Илмҳои табиатшиносӣ, дақиқ, риёзӣ ва варзиш дар рушди фанновариҳо ва тарғиби тарзи ҳаёти солим» мебошад.