Шокирзода Наҷибуллои Исуфхон

номзади илмҳои иқтисодӣ, дотсент

Декани факултет

Тел.: +992 905-50-0507

E-mail: n.shokirzoda@mail.ru

Факултети таҳсилоти фосилавӣ ва таҳсилоти дуюми олии касбии Академияи идоракунии давлатии назди Президенти Ҷумҳурии Тоҷикистон ба ҳайси ниҳоди асосӣ ва пешбар дар сохтори муассисаи таҳсилоти олии касбии мазкур ба ҳисоб меравад.

Фаъолияти таълимию тарбиявӣ ва илмию методӣ дар факултети таҳсилоти фосилавӣ ва таҳсилоти дуюми олии касбии Академияи идоракунии давлатии назди Президенти Ҷумҳурии Тоҷикистон дар асоси Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», Оинномаи Муассисаи давлатии таълимии «Академияи идоракунии давлатии назди Президенти Ҷумҳурии Тоҷикистон», «Низомномаи факултети таҳсилоти фосилавӣ ва таҳсилоти дуюми олии касбӣ», Нақшаи кории факултет ва дигар санадҳои меъёрии ҳуқуқии соҳаи маориф ва илм ба роҳ монда шудааст, ки ин ҳам бошад барои тайёр намудани мутахасисони баландихтисос ба шумор рафта, ҷараёни таълиму тарбия ҳам дар таҳсилоти дуюми олии касбӣ, ки аз рӯи низоми ананавӣ ва таҳсилоти фосилавӣ, ки аз рӯи низоми кредитӣ низоми аврупоии таҳсилот ба ҳисоб рафта, ин гуна шакли таълим дар тамоми мамлакатҳои ҷаҳон маъруф мебошад ва донишҷў метавонад дар тамоми донишгоҳу донишкадаҳои мамлакатҳои Аврупо аз рўи ин низом таҳсил намояд ва дар ҳолати интиқол шудани он ба макотиби олии дигар давлат бе мамоният таҳсили худро идома диҳад.

Факултети таҳсилоти фосилавӣ ва таҳсилоти дуюми олии касбии Академияи идоракунии давлатии назди Президенти Ҷумҳурии Тоҷикистон дар тобеияти бевоситаи ноиби якум, ноиби ректор оид ба таълим, сардори раёсати таълим  қарор дошта, роҳбарӣ ва назорат аз болои кафедраҳо, устодону омӯзгорон, донишҷӯён ва дигар сохторҳои дахлдори Академияро амалӣ менамояд. 

Факултети таҳсилоти фосилавӣ ва таҳсилоти дуюми олии касбӣ Академия бо мақсади омода кардани мутахассисони баландихтисос, ҷараёни таълиму тарбияро дар таҳсилоти дуюми олии касбӣ, ки аз рӯи низоми аънанавӣ аз рӯи ихтисосоҳои 1-260101, идораи давлатӣ, 1-26020212, идоракунии ҳайати кадрӣ, 1-2301060301, менеҷменти сиёсӣ, 1-260102, идораи давлат ва ҳуқуқ, 1-26010301, танзими давлатии иқтисодӣ миллӣ, 1-240103, ҳуқуқи иқтисодӣ ва таҳсилоти фосилавӣ аз рӯи низоми кредитӣ низоми аврупоии таҳсилот ба роҳ мондааст. Ҳамчунин мутахассисон аз руйи ихтисосоҳои 1-260101, идораи давлатӣ, 1-260103, идораи давлатӣ ва иқтисодиёт, 1-26020212, идоракунии ҳайати кадрӣ, 1-26010101, идораи мақомоти маҳаллӣ, 1-25010410, менеҷменти молиявӣ, 1-230101, муносибатҳои байналмилалӣ, 1-2301060103, сиёсат ва идораи давлатӣ, 1-2301060301, менеҷменти сиёсӣ омода карда мешаванд.

Дар  сохтори факултети таҳсилоти фосилавӣ ва таҳсилоти дуюми олии касбии Академияи идоракунии давлатии назди Президенти Ҷумҳурии Тоҷикистон 6-нафар фаъолият намуда истодаанд:

1. Декани факултет.

2. Муовинои декан оид ба таълим, 3-нафар ; 

3. Метадистҳои факултет- 2-нафар.